Здружението спортско планинарски клуб „Козјак“ од Куманово, денеска одбележува 43 години од своето постоење, односно од обновувањето на клубот.
„Движи се да не заборавиш да одиш“ е годинашната порака до сите членови од одговорните во клубот.
-По повод роденденот во зависност од временските услови допрва ќе се организира акција и планинарски ручек во планинарскиот дом Длабочица и доделување награди и признанија на нивните членови. ЗСПК „Козјак“ е најстар клуб во градот. Денеска одбележуваме 43 години од обновување на клубот. Планинарите низ годините ги освоија највисоките врвови на Балканот, а во изминатите години, учествуваа и на искачувања во Европа, рече Величковски“ , изјави секретарот на ЗСПК „Козјак“, Мартин Величковски.